Dalamhati Lyrics

Hindi ko hiniling na kahit minsan may mangyari sa iyong masama

Kaso lang, ako rin pala ang siyang makaggagawa

'Yong ayokong maging ay siyang naging ako

Kung kaya't naaabot ko ang iyong pinanghuhugutan

May karapatan kang ako ay kasuklaman

Malaya ka, na iyan ay maramdaman

Habang ako, buong buhay na itong maninirahan

Gumawa man ng kabutihan, napakalabo nang mapaniwalaan

Pinakain ka sa mesa, nakitagay ng serbesa

Walang bayad makilamon, kung kaya't ba't ganon?

No'ng pagkabusog naging litaw, saka na lang mga tugon

Sa pagkaing aking inihain daw may lason?

Pinakain ka sa mesa, nakitagay ng serbesa

Walang bayad makilamon, kung kaya't ba't ganon?

No'ng pagkabusog naging litaw, saka na lang mga tugon

Sa pagkaing aking inihain daw may lason?

Oo na, naririnig kita, 'wag mo na akong sisigawan

Palibhasa nga pala, mag-iingay na nga naman

Dahilan kaya ganiyan, wala kasing mga laman

Nauubos na

Kakabuhos sa nakaraan

Kung saan naiba ko ro'n, pagkatao na nagampanan

Sa mga kaisipan Buhat no'ng ako ay nadapa't

Mga putik na kayo natalsikan

Pagkapalya ko nasaksihan

Kung kaya, pasensya sa abala na dala

Ang pangalan ko na lang pakitala

'Yong tumulak kasi sa 'kin ay nawawala

Ako na umaako kahit 'di ako ang dapat sumalo ng binato

Oo nga't hanggang ngayon

'Di natutuwa, no'ng tinalo

Pero tama na, tanggap ko na

Kaya pa nga ay lumayo

Naglayag ako, kahit na binabagyo

Huwag mo nang habulin

At ako'y wala na nga sa buhay mo

Pinakain ka sa mesa, Nakitagay ng serbesa

Walang bayad makilamon, Kung kaya't ba't ganon

Noong pagkabusog naging litaw, saka na lang mga tugon

Sa pagkaing aking inihain daw may lason?

Pinakain ka sa mesa, Nakitagay ng serbesa

Walang bayad makilamon, Kung kaya't ba't ganon

Noong pagkabusog naging litaw, saka na lang mga tugon

Sa pagkaing aking inihain daw may lason?

Sa tagpuan natin bakit pa maglalagi?

Alaala lamang na mga hati-hati ang natira

Ang akala ko lahat ng bagay dadali

Hindi pala!

'Yong nasimulan sa pagkaway

Nagtatapos sa pagtalikod

Ang kasama sa pag-ikot na sa dulo ay kaaway

Sasamahan daw sa lakad, ba't kayo nangtisod?

Ang maging saksakan lang nila naging gampanin ng likod

'Di ko nararamdaman, dulot ng himas at tapik na meron daw sasandalan

Mga bulungan na naririnig

Pinagsigawan na naging laro ako

Tanging kasiyahan lang na kapag ako'y umaaray dapat masilayan ba?

Naggawan pa man kita ng mga mali

Hindi ko yun sadya, nagsisisi na

Pero naggawan mo rin ako 'di ba

Kaso pagganti, 'di na nagtangka

'Di magpapanggap, tayo lang kasi ay iisa

Tama bang ibato ang nakaraan para manira ng kasalukuyan

Oo, marami akong naggawang 'di tama

Pero sapat na ba iyon para hilingin ang aking pagkawala?

Malimutan ang mga kabutihang tinatangi na sa iyo rin ay nagpangiti?

Kung ganoon dapat muna rin natin tignan nang ilang libong ulit ang sarili

Pareho tayong may mga maling napili

Kung kaya't gaano man kasaya ang noon, ayoko nang bumalik sa dati

Ganoon pa man, mag-iingat ka pa rin palagi

Salamat sa pinagsaluhan na mga piging

Kapayapaan na ang aking naging hiling

Malabong sumalubong kung ako'y kumanan at ika'y kumaliwa

Paalam na, habang ang mata'y nagluluha

Tunay talaga mga naramdamang saya

Hindi rin isinusumbat lahat ng nataya

Kaso tama na, mga kadenang dapat ko nang kalagan

Pakiusap lang, para 'di na tayo masaktan

Salamat sa pinagsaluhan na mga piging

Kapayapaan na ang aking naging hiling

Malabong sumalubong kung ako'y kumanan at ika'y kumaliwa

Paalam na, habang ang mata'y nagluluha

Tunay talaga mga naramdamang saya

Hindi rin isinusumbat lahat ng nataya

Kaso tama na, mga kadenang dapat ko nang kalagan

Pakiusap lang, para 'di na tayo masaktan