Lugod Lyrics

Sa tuwing naaalala larawan ng 'yong ngiti

Tila ba bumibilis ang hakbang ng mga binti

Patungo sa iyong lugar, alam kong nag-aabang

Akin nang ibabato ang tira ko na panlamang

Sana pumasok, at hihiyaw ang mga taga-hanga

Sa pagtitig ko sa'yo ako ay napapa-tunganga

Buti nalang ngayong gabi saakin ay sumama

Paaabutin ba natin sa oras ng umaga?

Mainit na dampi, papalapit na ang 'yong labi

Lumaktaw ang pintig nang bahagya itong sumagi

Walang nakaka-alam, kung saan to pupunta

Bawat kilos o galaw, ako ay natataranta

Lumapit ang iyong bibig, puso ko ay pumintig

Sabihin mo sa akin ang mga gusto kong marinig

Wag kang mag-alala ngayong gabi ay uunawa

Makakaramdam ka ng kalinga pati ginhawa

Kanina pa ako naghihintay sa iyo

Kahit abutin magdamag ay nandirito ako, yeah

Kanina pa ako naghihintay sa iyo

Kahit abutin magdamag ay nandirito ako

Sa wakas ay nasilayan larawan ng 'yong ngiti

Tila ba parang anghel na may pakpak na puti

Ayoko nang kumawala, kabutihan napala

Dahil sa pagdaan ng araw mas lalong lumalala

Ang pagkahulog, ang pagkatao ko'y iyong hinubog

Pinulot mo isa-isa nag-sibagsakang bubog

Gabi na malamig ikaw ang nagsilbi kong kumot

Ako ay nadulas parang nakaapak ng lumot

Buti ay napagkasya, ako sa iyong puso

Dating pinapantasya ngayon ay kadikit ng nguso

Nawala na ang distansya, saakin ay kumapit

Dahil tunay ka na grasya na bigay sakin ng langit

Uh, pwede ba 'kong humingi ng saglit

Pero kung di ka man pwede sa susunod na ulit

Ayoko lang naman kasi na sumagot kang pilit

Ang nais ko na mangyari ay ang sayo mapalapit

Kanina pa ako naghihintay sa iyo

Kahit abutin magdamag ay nandirito ako, yeah

Kanina pa ako naghihintay sa iyo

Kahit abutin magdamag ay nandirito ako

Sa tuwing nakikita ang larawan ng 'yong ngiti

Tila ba nakuha mo ang aking kiliti

Nakalimutan ko na ang pasakit ng kahapon

Ikaw ang dahilan kung bakit ako bumabangon

Salamat at sa buhay ko ikaw ay dumating

Nilagyan mo ng kulay ang dati na puti't itim

Sabihin mang nahihibang, 'di ko bibigyang pansin

Hindi hanggang dito nalang, malayo ang mararating

Ng ating storya, nakatalaga na sa memorya

Pakiramdam na dala tila para bang euphoria

Mga matang ito sa'yo lang nakatingin

Nakita sarili ko sa'yo para kang salamin

Kay tagal kong hinintay, ang isang katulad mo

Handa ko lahat ibigay, kung anong kasiyahan mo

Wag ka nang mawawala, dito ka saking tabi

Ikaw yung tipo na tao na dapat ipagmalaki

Kanina pa ako naghihintay sa iyo

Kahit abutin magdamag ay nandirito ako, yeah

Kanina pa ako naghihintay sa iyo

Kahit abutin magdamag ay nandirito ako