Santié tamarin Lyrics
- Genre:World Music/Folklore
- Year of Release:2015
Lyrics
Romonté somin, mon santié tamarin, bat apyé dan ravine kaliko, kaliko
Ras sir lo somin, mon santié tamarin, mi rod in ti pié dbwa dann siko, dann siko
E mi rod in manièr pou gèt an o, dann mon rèvman lontan mi grimp kom ti zako
Mwin mi larg in romans dan mon koko, o mon frèr la pwin ryin pou gèt an o
La pwin ryin pou gèt an o
Dann bordaz somin, okilé mon tamarin, li gign mèm pi batay kont zoto, kont zoto
Astèr na pi ryin, mèm pi mon tamarin, na ryin kin tras in vié zanimo
Désan lo somin, okilé mon tamarin, la kraz son malèr sir la tèr dodo, tèr dodo
Ras sir lo somin, okilé mon tamarin, zot la kraz mon ti bébèt koko, bèt koko
E mi rod in manièr pou gèt an o, dann mon rèvman lontan mi grimp kom ti zako
Mwin mi larg in romans dann mon koko, o mon frèr la pwin ryin pou kèy an o
La pwin ryin pou kèy an o
Désan lo somin, mon santié tamarin, mon ti kwin la montayn lé pi bo, lé pi bo
Désan lo somin, mon santié tamarin, mon péi la fermé po travo, po travo
E mi rod in manièr pou gèt an o, dann mon rèvman lontan mi grimp kom ti zako
Mwin mi larg in romans dann mon koko, o mon frèr la pwin ryin pou kèy an o
La pwin ryin pou kèy an o
