220 ft. Amōr Lyrics

Yeah Ugh

Isang awitin na magbubukas ng sarado

Magtatanggal ng sobra sa daanan na barado

Kasi di pangkaraniwan parang buwan ng Pebrero

Kasama lagi ang puso at preparado

Tunay na buhay ang inaawit

Lupa'y hinukay hanggang mangawit

Aking leeg kakatitig sa kwaderno

Upang makakuha ng liglig na pangterno

Sa tunog na ito na lusog ang maaani

Pinakinggan ng mabuti nabusog ang marami

Ayan ang aking pakay sa larangan kong mahal

At hindi ang kumita ng bulsa ay kumapal

At sa mga pagsubok kasama ang may kapal

Puso ang dala sa bawat pagtatanghal

Dahil kung hindi yan tunay hindi yan magtatagal

Kaya marami ang sumabit para di lang matanggal

Turing ko sa musika ay aking asawa

Na kahit anong mangyari ay hindi magsasawa

Maraming sakripisyo nang makatula lang

Di tulad ng ilan na naka tulala lang

Mala ulap ang taas ng aking mga pangarap

Nang aking matanaw kung anong meron sa rap

Dahil hindi ko tanggap na ang mga panggap

Ang siyang tumatamasa at ang nasa may harap

Pero okay lang naman kahit na nasa likod

Basta hindi baluktot ang aking paglilingkod

At pawang katotohanan ang mga sinasabi

Hindi kapag sumulat iba na ang pangyayari

Ano nga ba ang nangyari, nawalan ng enerhiya

Sistema ay bulok eh kasi nga monarkiya

Respeto sa madla di madali na kuhain

Kaya marami ang nagtangka na itoy nakawin