Ciiraniro Lyrics

Ciiraniro - Sammy Irungu

...

Wîîhokeku waaku ûtûûraga wî mûrûmu îî,

gûkîra irîma ti itherû ndwenyenyekaga.

Waragia kiugo ûgacooka ûkarûmîrîra îî,

gûkîhingia we ndûrî Ngai wa ngariûko.

Kwîhokeka gwaku Ni îî na amina îî,

wî mwîhokeku tene na tene amen.

Ririkana wîîhokeku waaku Mwathani îî,

na wega waku ûrîa ûtangîmenyeka ûrîa ûtariî îî,

îtîkîra tu, ûtûhiingîrie îî,

ciîranîro ciaku ûtugirie maithori.

Ciîranîro irî cama rîrîa ikwîranîrwo îî,

no ciahiingio niingî ikagîa cama makîria.

Mûûdû mwîrîre ûtahiingiirio no ta ûtarî îî,

rîrîa ahiingîrio agatuîka mûûdû ûgûkena.

Amwe aitû tûrabatara ûûke na ihenya îî,

ûrîa wathiire kwa mûtumia wa ndigwa.

Ririkana wîîhokeku waaku Mwathani îî,

na wega waku ûrîa ûtangîmenyeka ûrîa ûtariî îî,

îtîkîra tu, ûtûhiingîrie îî,

ciîranîro ciaku ûtugirie maithori.

...

Wee nîwe watwîrîire atî tûrî arathime îî,

rîrîa tûkuuma ona kana tûkîhûûdûka.

Inaadû ciitû citigaathira maguta îî,

ona kana ibaba ciitû igîthire mûtu.

Woigire turîîkenagia na ido iria njega îî,

Wî mwîhokeku tûhiingîrie ciîranîro.

Ririkana wîîhokeku waaku Mwathani îî,

na wega waku ûrîa ûtangîmenyeka ûrîa ûtariî îî,

îtîkîra tu, ûtûhiingîrie îî,

ciîranîro ciaku ûtugirie maithori.

Ûtûceejerie irumi iria twanarumwo îî,

ûcigarûranie ûcitue irathimo.

Huuho cia ngoma hîîdî îrîa ciahurutana îî,

ûcihoorerie mûhoreria wa makûûmbî.

Ûtume tûnua twa andû arîa matûgeekaga îî,

ciugo iria manaaria ûrociagithia hinya.

Ririkana wîîhokeku waaku Mwathani îî,

na wega waku ûrîa ûtangîmenyeka ûrîa ûtariî îî,

îtîkîra tu, ûtûhiingîrie îî,

ciîranîro ciaku ûtugirie maithori.

...

Ruth nîathîînîkire kahiida karaya îî,

akîmaathîra nyaciarawe Naomi.

Ee kwa Boazu ûkîmûtemera njîra îî,

ûgîtûma atûîke mwene mugûûda.

Tûtemere njîra ya kîrathimo îî,

uunithîrie mbura ya irathimo gwitû.

Ririkana wîîhokeku waaku Mwathani îî,

na wega waku ûrîa ûtangîmenyeka ûrîa ûtariî îî,

îtîkîra tu, ûtûhiingîrie îî,

ciîranîro ciaku ûtugirie maithori.

Ririkana wîîhokeku waaku Mwathani îî,

na wega waku ûrîa ûtangîmenyeka ûrîa ûtariî îî,

îtîkîra tu, ûtûhiingîrie îî,

ciîranîro ciaku ûtugirie maithori.

...