Ersinngilaq ft. Anda Uldum Lyrics

Tununneqartuassanerlunga inuunera tamakkivillugu

Inuit nakkutiinnaavippaannga suli

Qimappara nilliasoq niaqunni tassami

Tillernera malungilerpara ilunni assaami

Tappingersimangama takussaananga inunni haami

Naami qungujunnera toqqorsimasara asasama saanni

Qulliit kuupput kiisami pilluarnerup aqqani

Tammarpunga naqqani tukkamali qummut saappunga

Ilukkut aappunga ajunngilangali

Nammineq inuulerpunga najumminangali

Anniaat uunaraluaq nillissanngilarli

Killissaq tikitsinnangu

Kamassara ikitsinnangu

Inuunissara salliuli

Pilluarneq toqqangara anniaat alliuli

Nakkarama uannulli annaananga

Massippunga uannut tammaananga

Saappara kiinningarali

Ersinngilaq

Eqqississanerlungami aat

Inuunera ingerlatillugu

Toqqissisimalissanerlunga

Uanga

Isussuapput oqaatsit naleqanngittut

Kimulluunniit isumaqanngittut

Naluvaat paasinerarpaalli

Anguvaat ungasippaalli

Qanillineq saperpaat

Aasiit suna tamarmi apeqquserpaat

Isummat inorpaat matoqqammata

Qungujummik ulissungaapput takussutissiaammata

Ikinngut nalunngilarput ikingut mamittussiaammata

Akornanni nillianaveersaarneq ilisimanngilaat

Uummaternummi anniaat ilisimanngilaat

Assatik isaakkaat killormut tupappugut

Uumasutut qaasuttutut upappugut

Kiisortugut qiassamik tupittut

Naak ilaquttavut asasit upittut

Nillialeravit tamarmik nipaaruttut

Misigaatit assatit ipaaruttut

Nipaanneq kisinngoruttoq uikkavit

Saappat kiinnikkat

Ersinngilaq

Ajattuiuassanerlunga

Uannut illersorniarlunga

Tatigisakka naammi taakkua

Tapersersorsinga

Uummat poorneqarsimavoq pallitassaanani

Ulingutaa mattuvoq aserorneqarsinnaanani

Ulingani aqittoq takuneqarsinnaanani

Aliasuut qallerneqartoq annussinnaanani

Aliavoq allanneqartoq alissinnaanngilaali

Ingerlavoq inuuneq malissinnaanngilaali

Ilaani inuunerup sinaani qaangiisut

Uteqqissinnaanngillat killissamik qaangiisut

Inuunermi erligisangut taarsiorfitsinni suutinngilangut

Asasivut pisuutinngilangut assavut isaatinngilangut

Ipararsinnaanngilarpummi anniaaterput

Kinaassuserput tammarami

Kamassaq ammarami

Takoqquvoq nujuartaq kaanngarami

Qungujunnera aanngarami

Kingumut qiviaraluarpugut

Ersinngilaq

Pilluarneq sumut pingavit

Ujartuarsimallutit ilaa

Nassaarissanerpangit qaqugu

Sumi

Inuttut toqqissisimallunga

Siumut isigalunga suli

Imminut malugisalerlunga

Kiinarpaarlunga.