Kitna Piyasa Tha Woh Ali Asghar a.s Lyrics

Marke bhi moo khula raha jiska

Kitna pyaasa tha woh Ali Asghar (AS)

Haye Sadaat ke gharane mein

Sabse chota tha woh Ali Asghar (AS)

Bole lashkar se yeh sheh-e-waala

Dekho seh roz ka hai yeh pyaasa

Khud pila jao paani yeh kehke

sheh ne jab garm khaak par rakha

Shiddat-e-pyaas se tadapte hue

Lab hilaata tha woh Ali Asghar (AS)

Margaya baap ke woh haathon par

Dekh na paaya koi woh manzar

Saare maidan mein qayamat thi

Pher kar moo ko ro diya lashkar

Teer nanhe gale pe kha kar

Jab muskuraaya tha woh Ali Asghar (AS)

Kitna chota sa hai badan iska

Aur takleef seh nahi sakta

Mere marne ke baad asghar ka

Koi paamaal na kare laasha

Shaah-e-waala ne garm reti mein

Yun chhupaaya tha woh Ali Asghar (AS)

Sar chadhaaye gaye jo nezon par

Jab nazar aaya na sar-e-Asghar (AS)

Dhoondne ke liye badan uska

Maare neze zameen par milkar

Ek neza zamee'n se jab nikla

Saath aaya tha woh Ali Asghar (AS)

Jisko jhoole mein maa jhulaati thi

Jisko aagosh mein sulaati thi

Jiski nazrein utaara karti thi

Jisko har gham se woh bachaati thi

Maan ne maqtal mein nok-e-neza par

Kaisa dekha tha woh Ali Asghar (AS)

Chhe mahine ka ek shehzada

Teer ke baad kha chuka neza

Ek zaalim ne jism se uska

Hans ke khanjar se aise sar kaata

Gir gayi khaak par woh maa

Haye jiska beta tha woh Ali Asghar (AS)

Roke Zeeshan Abidi ne kaha

Socho Mesum sitam hua kaisa

Ghuttniyon bhi jo chal na paata tha

Kitni bedardi se usse maara

Kya Madine se Karbala Haye marne aaya tha woh Ali Asghar (AS)