PRELUDE Lyrics

Vaqiye youn dekhe aya naa ankhon pe bhi yaqeen

Aaasman se ghire pairon se nikal gayi zameen

Kabhi Mujhe mere is khayaal se khauf aaye

K ye zindagi bhala kis hisaab se tohfa ha?

Dil bhaari ha Jin baaton se ab Likhne beth gaya houn

To kiun na bas ab Likhdon is hi gaane mein?

Dastarkhan pe thay bethe chotay bhai

Puchen abu ko kiun dair ho gayi ha aaj aane mein?

Mein bhi sawaal ko unke nazarandaaz karoun

Aankhen Nam hone lagein hain Baaten ab ghumaane mein

Phir ek soch ye jaan'ne ka haq unhe bhi ha

Waise bhi Kya Faida Ye baaten ab chupaane mein

Nadaan thay wo Khair, Jese kese So gaye

Mein Saari Raat betha raha paas hi siraane se

Phir wahin Sawaal, Phir Mein lajavaab

Socha aaj bas Bata doun baap lotay ga nai thaane se

Kahan se laoun himmat k bata doun aisa sach

Jisko Mera Dil bhi maane pe raazi nahin

Samajh k Behtrii Sabar Kiya Shukar parha

Hairat ha k dil mein thi Udaasi nahin

Apne bhi Ghair ho gaye Waqt Aisa Sagga bana

Wafa meri maangta ha dil mein mere jagah bana

Maazi ki chaoun mein Sukoon Ka koi Dam nahin

Waqt pr Sulaane waala Jaagne ki Wajah bana

Waqt k saath ye Zakham Gehre ho gaye

Tere na aane ki khamoshi mein hum behre ho gaye

Veraniyon k baagh mein kuch badal baras gaye

Ye kaan awaaz teri Sun'ne ko taras gaye

Magar hum Zimedaariyon se Nahin Bhaage

Waqt Ruk Sa gaya phir bhi hum Bharhe aagay

Mehnat kar kar k mit gayi hatheli se Lakeeren

Par taqdeeron mein aseer thay, naseebon pr Zanjeeren

Zawaal bhi is Zindagi mein Dheet milla

Badalot jiske mujhe khud mein ik Adeeb milla

Teri muhabbat k Ujaalon se mazeed dil veraan hua

Teri yaadon se mein Gallay lag ke Eid milla

Tujhe Mujhse ye Doori kese naa paas karti

Samajh aati hain ab baaten kabhi thi udaas karti

Mein Nahin Chahta k Tum Dunya Mein Khuaar raho

Mujhe khone K liye Har Waqt Tayiyaar raho

Hum nai samjhe magar he knew the deal

Nobody stays Forever Everybody has Got to leave

Humen DoRne pe kar Diya halaat se majboor

Hum Ghulaab K thay aadi ab dekh pairon mein hain Keel

Kafan ban kr Jism Meri Zindagi ko Qabar kare

Waqt hi nahin guzarta wo bhala kese Sabar kare

Dounga mitaa khud ko is justjuu mein K

Baap Mere baare Sun'ne Muskuraa k Fakhar kare

Mere Liye Sabse Baari kaamiyabi ye

Qala mere kaash kabhi kaam aaati ye

Mujhse Zayada tha yaqeen Mere baap Ko Is Qala pe

Wo Sunkr Mere gaane Mere Hosle ko Barha de

Ye sirf shoq nai hain beta tere khuaab hain

Inke peeche bhaago choro jo bhi hota ha

Tum to karlo poore apne

Mujhse meri zindagi mein ye khuaab poore na ho paaye

Baap ko bola itna jaldi banta nai rapper koi

Wo bola meri nazar mein tujhse nahin ha behtar koi

Mein bola ye sab krne ka koi faida nahin

Wo bola jayegi teri mehnat raiga nahin

Mein to chahta houn tu zindagi mein na ruke

Tu mere hote hoye banjaa kuch dil tera na dukhe kabhi

Magar ye zindagi Ajeeb ha barrii

Sadiyon ka gham or par ek pak ki khushi

Magar ye zindagi

Ajeeb ha barri

Humne chaha jese zindagi kab ha waise challi?

To bas sahi ha jo bhi khudaa ne mere liye likhii

Baap ko ye gaana bhi ye sunaounga kabhi

K jab tu na tha paas mere

Maine likhe gaane tujhpe istemaal krke saare wo alfaaz tere

K jab tu na tha paas mere,

Tab bhi tassali si thi mujhe k ab bhi tu ha saath mere.