Jupiter Lyrics

Eyni qalmalı

Ya dəyişməli və yada salmalı

Keçən hər şeyi, məndən almalı

Ulduzları, amma çalmalı

Musiqini və geri qalxmalı,

Susmamalı, yenə çaxmalı,

Parıldayan aylar sönərsə bir gün

Jupiterə baxmalı...

Hələ də eyni gəmidəyəm

Qabağımda uzun bir yol

Sonu işıq amma qaranlıqda

Təkliyə dəydi mi deyə bilmərəm

Dedikləri kimiysəm əgər

Yavaş-yavaş gəzən, hamını əzən

Hirsləndirən bəzən

Və hər kəsi yenə dinləyən

Yox, o günlər geridə qaldı

Nə qədər istəsəm də geri dönməz artıq

Çox gözləmək geriyə saldı

Bunu dərk eləmək elə bil özü asandı

Yuxularım hisslərimin ikinci aynası kimi

Öz kabusumu özüm qazandım

Hər kəsdən üstün olduğumu düşünürdüm

Öz dünyamda özüm azaldım

İnanıram hər şeyin bir səbəbi var

Yəni yaşadığım günlər niyə ağlımda qalacaq?

Ətrafı eşidir də hədəfi kar

Bunu bir mən, bir də o anlayar ancaq

Sorğulasan sənə qatdıqlarını birdən

Əlindəkilər də səninlə yanacaq

Bir gün ömrüm var məqsədim bir dildən

Deməyimizdir mənimdir sancaq

Eyni qalmalı

Ya dəyişməli və yada salmalı

Keçən hər şeyi, məndən almalı

Ulduzları, amma çalmalı

Musiqini və geri qalxmalı,

Susmamalı, yenə çaxmalı,

Parıldayan aylar sönərsə bir gün

Jupiterə baxmalı...

Dəyişməyən tək şey niyə dəyişimdir?

Tuturlar yaxamdan silahı çıxarıb

Qəlbimə dayayıb da deyirlər ki, dəyiş indi

Necə?

Çalışsam da gecə-gündüz, yolum dümdüz Qarışmıram heç kimə, olsam da üzsüz

Rahatam öz zehnimdə

Çünki bu tək işimdi

Gəlmisən və yanımdasan sanki

Aşa bilmədiyim o qədər məsafələr var ki,

Yaşa dolur olsam belə yenə başa sal ki,

Dolum daşım o dağın üstündəki qar ki-

Miyəm bu gün xoşbəxtcə yaşamağa varkən,

Ruhum azadkən, qəlbim atarkən

Kainatlardan üstümə düşən kölgələr

Önümdə durmuş, maska taxarkən

Həyatım o qədər qəribə bir hal

aldı, xəyalındakı yaşı daşı minimal

Dəyişən nə oldu de saylardan başqa

İçindəki uşağa niyə demədin ki qal?

Məcnun ol uzaq dur çöllərdən

Heç bir fərqim yox yaşayan ölülərdən

Hər gecə yatmağa çalışırkən hələ də

Biri səslənir mənə göylərdən...