Boomplay yatoa msaada wa vifaa vya shule, mavazi na chakula vituo vya kulelea watoto Dar es Salaam

Miongoni mwa sifa njema za binadamu ni utu, ambao ndiyo chimbuko la mambo mengi mema na mazuri. Kutegemeana ndiyo sifa kubwa ya viumbe hai ambavyo Mungu ameviumba. Na hiki ndicho kilichosuka Kampuni ya Transsnet Music Tanzania Limited Boomplay kuamua kutembelea vituo mbalimbali vya watoto wenye uhitaji kwaajili ya kurudisha kwa kile ilichochuma kwa jamii maarufu kama Corporate Social Responsibility (CSR).

Vituo ambavyo Boomplay wametoa msaada ni Maunga Orphanage Center, Chakuwama Orphanage Center na Umra Orphanage Center, huku wasanii wawili ambao ni Obby Alpha na Taoo wakijumuika kwaajili ya kutoa faraja ya burudani watoto hao.

Boomplay wametembelea katika vituo hivyo na kugawa mahitaji mbalimbali yakiwemo mavazi, chakula na madaftari na kuwapa faraja kubwa watoto hao wanaolelewa katika vituo hivyo.

Zifuatazo ni picha mbalimbali zinazoonesha matukio ya ugawaji wa vifaa hivyo.