Boomplay yaja na tour mpya ya vyuoni!

Boomplay, app inayoongoza barani Afrika kwa huduma ya kusikiliza na kupakua muziki, Boomplay, imetangaza ujio wa kampeni mpya iitwayo “Boomplay Campus Tour” nchini Tanzania. Tour hii itaanza mkoa wa Dar es Salaam ikilenga kutoa elimu ya ufahamu kuhusu matumizi ya app ya Boomplay kwa burudani ya muziki.

Vyuo vitakavyoshiriki kampeni hii ni Chuo Kikuu cha Dar es Salaam (UDSM), Chuo cha Usimamizi wa Fedha (IFM), Chuo cha Uhasibu (TIA), Chuo cha Elimu ya Biashara (CBE) na Chuo Kikuu cha Kimataifa cha Kampala (KIUT).

Katika kampeni hii, Boomplay itawapa fursa wanavyuo kujadiliana masuala mbalimbali kuhusu app ya Boomplay, kuonesha vipaji vyao vya muziki ili kuibua vipaji vipya kwaajili ya mustakabali mpana wa sanaa ya muziki nchini Tanzania. Pia kwenye kampeni hiyo kutakuwa na tukio zima la Boom Freshers Party, ambapo wanafunzi watapata nafasi ya kupiga kura sehemu ambayo tukio hilo litafanyika kati ya vyuo vitano vilivyotajwa hapo juu. Kura zitaanza kupigwa kuanzia tarehe 15 Novemba, 2021 katika kipengele cha Buzz Voting!

Vile vile kutakuwa na zawadi mbalimbali zitakazotolewa kutokana na shughuli tofauti kama vile kushiriki michezo, kupost matukio ya Boomplay Campus Tour kwenye mitandao ya kijamii na vingine vingi.

Kubwa zaidi vipaji vipya vilivyopatikana kupitia ‘Boomplay Campus Tour’ vitapata wasaa wa kutumbuiza kwenye tafrija ambayo vile vile kutakuwa na wasanii wakubwa wa muziki pamoja na DJ mkubwa nchini Tanzania.

#BoomplayCampus2021