#BoomplayAwards: Afro East yampa tuzo Harmonize

Msanii maarufu wa muziki nchini Tanzania, Harmonize amefanikiwa kupata tuzo kutoka Boomplay.

Harmonize amefanikiwa kupata tuzo hiyo baada ya albamu yake ya Afro East kufikisha zaidi ya streams milioni 2 kupitia app ya Boomplay.

Hii ni habari njema kwa msanii huyo mkubwa nchini Tanzania, ambaye albamu hiyo ina takribani mwaka mmoja na miezi minne. Streams milioni mbili si jambo dogo ama kwa hakika.

Ukubwa wa Harmonize unatokana ukweli kwamba ameonesha kujituma na kufanya kazi nzuri ambazo zimekuwa zikiwavutia mamilioni ya mashabiki Tanzania, Afrika Mashariki na baadhi ya sehemu za Afrika.

Staa huyu ambaye pia anajulikana kama 'Konde Boy' au 'Jeshi' amekuwa akitoa ngoma za moto bandika bandua ambazo zimekuwa zikifanya vizuri kwenye vyombo vya habari pamoja na majukwaa mbalimbali ya kusikiliza na kupakua muziki.

Baada ya kupokea tuzo hizo, Harmonize, ambaye anamiliki lebo yake ya Konde Music Worldwide amesema kuwa amefurahi sana kupata tuzo hiyo, kwani bado kuna ngoma na project kubwa ameandaa kwa mashabiki wake ambazo zitazidi kumpa tuzo nyingine zaidi kutoka Boomplay.

'Afro East' ni albamu yenye ngoma 18 ambazo ni Bed Room, Your Body ft. Burna Boy, Fall in Love, Inanimaliza ft. Mr Blue, I Miss You, Good, Never Give Up ft. The World, Wife ft. Lady Jaydee, Mpaka Kesho, Malaika ft. Morgan Heritage, Uno, Die ft. Khaligraph Jones & DJ Seven, Body ft. Phynofino, Mama, Rumba ft. Young Skales & DJ Seven, Pain ft. Yemi Alade, Move ft. Mr Eazi & Falz The Bahdguy na Hujanikomoa.

Mastaa waliomo kwenye albamu hiyo ni pamoja na Burna Boy, Phyno, Yemi Alade, Mr Eazi, Falz, Skales , Lady Jaydee, Mr.Blue na wengine.

Afro East ni moja albamu nzuri zilizowahi kuachiwa katika miaka ya hivi karibuni kutokana na kusheheni ngoma makini zenye ladha ya kila aina ambazo zinaweza kuvutia makundi na watu wa rika mbalimbali.

Uwepo wa mastaa hao umefanya albamu hiyo kujaa mchanganyiko wa ladha tofauti tofauti kama vile zenye mahadhi ya kimapenzi, zenye kutia moyo (inspirational), zenye midundo ya inayokupa mzuka wa kucheza na kadhalika.

Afro East

#BoomplayAwards #Harmonize #AfroEast